MODALIDADES DE PESCA

Como regla xeral, e para tódalas especies, só se autoriza a pesca con cana, sen prexuizo da regulamentación específica da anguía, angula ou meixón, lamprea e cangrexo. Prohibese o aparello coñecido como -de ninfa- e calquera outro semellante, lastrado no seu extremo e que arrastre polo fondo.

Só se poderá pescar desde embarcacións ou artefactos boiantes naquelas zonas de auga expresamente autorizadas nas táboas, sen prexuízo das competencías dos organismos responsables da navegación e a flotación nas zonas de desembocadura ou nas zonas de auga continentais.

As zonas de auga nas que se poderá pescar todo o ano serán as que figuran explicítamente autorizadas nas táboas, sen prexuizo das vedas que se poidan establecer na normativa de cada tempada.

Nas zonas de desembocadura e encoros, autorízase o emprego de dúas canas desde a beira e a unha distancia máxima do pescador de tres metros. Para a pesca desde embarcacións só se poderá empregar unha cana por pescador, autorizándose un máximo de tres canas por embarcación, independente que o número de pescadores sexa maior. Para a pesca de salmónidos en tramos de río só se permite o emprego dunha cana por pescador e dunha sacadeira ou un lazo como elemento auxiliar.

Autorízanse unicamente a mosca artificial nas súas distintas modalidades e a culleriña cun só anzol e sen arponciño, quedando prohibido para tódolos efectos o engado natural. Tódalas capturas deberán ser devoltas á auga despois da súa extracción. Os pescadores non poderán estar en posesión de ningún peixe, aínda que fose pescado noutro tramo. Os mércores poderán reservarse os permisos de couto para actividades educativas, solicitadas por entidades interesadas na mellora do medio fluvial. Nestes casos expediranse os permisos gratuitamente, podéndose amplia-lo número máximo de permisos por causas xustificadas. A tempada en coutos e tramos de pesca sen morte prolóngase ata o 28 de setembro